2007年6月25日

現時仍可留意的...

(2888)

Earning estimate = $15.5/share

Historical P/E = 11 to 21






source: Quamnet

(945)
Earning estimate = $19.5/share
Historical P/E = 10 to 17





(Earning estimate from Quamnet, http://www.etnet.com.hk/, http://www.yahoo.co.uk/)

2007年6月23日

林森池對中移動的睇法(2007年4月18日 RTHK e線金融網)

「禾桿蓋珍珠」
- 2006年盈利RMB 3.32/股
- 2006年股息共RMB 1.542/股,對比2005年RMB 1.02/股,上升50%
- 今年改變會計政策,由7年改為5年折舊,令賬面賺少110億
(是否即係645億 - 563億 + 29億 = 111億?; 參考年報p31 & p57)
- 其他雜項支出(例如推廣、津貼手機等等):2006年1000億;2005年800億(參考年報p57)
- 特意write off固定資產,令做數時更靈活
- 全年200億write off中有160億出現在下半年(林氏估的?)
- 如果不write off,總盈利可達870億
- 一年內賺太多難以維持增長,所以於2006年增加雜項支出同write off加大2007年增長
- 睇年報要留意fix asset, capex, depreciation的關係
(其實我都唔係好明…)

「3G」
- 一定由中移動母公司做
- 然後由母公司待economy of scale出現才逐步注入中移動
- 中移動派300億股息,母公司收了200億,母公司日後仍注重中移動派息收入
- 母公司可以用法人股受發A股集資
- 然後母公司租3G網俾中移動經營
- 中移動派息比率40%,估計2007年可派RMB1.9 – 2/股
- 林氏2003年買中移動

「電信業重組」
- 國家最有可能將聯通拆骨,再GSM同CDMA分別賣給網通同中電信
- 但網通同中電信本身缺錢,所以可能要批股集資
- 將來網通同中電信可將固網和流動網組成bundle提供服務,引入競爭
- 估計今年內難成事,等3G落實
- 現時只有中移動母公司有錢做3G

「價格」
- $70合理價
- 較難跌落18000點
- 可待跌市買,因941為操控恆指主要工具
- 受不起風浪? 不如唔好買,波幅高
- 2007年波幅會細(21000 – 18600之間)
- 2006年波幅較大(15000 – 18000)
- 可以等「專家」都睇淡時才買

林森池對中石油的睇法(2006年8月 RTHK e線金融網;2006年10月2日重播)

「業績」
- 2006年上半年30%增長來自實現油價上升(us$43 - $59),不是來自sales volume
- $6的857才是豆腐渣價錢,即2005年10月批股時
- 炒期油只需睇油價,但炒石油股要睇埋公司業績
- 油價於高原牛皮,對油公司有什麼影響?
- 2005下半年實現油價$51,2006年下半年實現油價估計$60(按:實際$59.81),所以升幅會少過上半年
- 注意暴利稅和煉油虧損

「油價」
- 油價難以升至us$100,因為美國會出戰略儲備,美國經濟也不太好,油價急升會引發衰退,油公司也不想見到,油價於高原牛皮對油公司最有利
- 睇期油趨勢要睇New York五年期油價,現時(當時)2007年期油$76;2011年低d($68)
- 只有油公司才有能力拋空期油,因此油公司認為油價五年後會回落
- 林氏認為再生能源(例如ethanol)可能於2009 – 2011年開始大量實用化
- 新油田可能增產
- 油價有d似inverted yield curve
- 要注意的是,五年期貨有成交,但三四年期貨反而沒有
- Greenspan話睇通脤可參考五年期油
- 要留意期油最高位為何年

「價格」
- 要注意857有週期性,油價由高原回落,857同樣會回落
- $9走貨沒有蝕底(林氏於$4 – 5開始推介)
- 857參考內在價值:油價us$60可推算857值$10
- 油股要有起碼10%折讓才值得投資
- 為何Warren Buffett不換馬? 因為他現時找不到替代馬,所以不賣857
(林氏其後於1-6-2007節目中表示已將857換馬2628了)

2007年6月21日

對談錄

在另一個blog的對話, 由於記錄在另一個人的blog中, 所以自己保留個副本, 留待日後引證...

麟記云: "平嘢無好, 好嘢無平", 之前聽曹仁超講過, 最近林森池都有講過類似意思(國企vs香港藍籌)

女估神云: 麟記, 咁又未必, 始終有d undiscovered gems嘛. 好多大明星之前都係由茄喱啡做起.

麟記云: “好多大明星之前都係由茄喱啡做起”

部分同意, 但現實上很難發掘到一個將來會變成周星馳或周潤發的茄喱啡

用此方法, 意味要找一大堆茄喱啡收養(藏)十年八年, 等其中一兩個成為升價10倍的明星

從過往失敗的經驗學習, 現時我只會主力買龍頭股, 主要係林森池介紹有市場專利的行業, 等市場調整(失去理性時)入貨, 最近林森池話市場變得越來越專業, 我極之認同, 因為有了互聯網令資訊流通快很多(間接亦睇好資訊類公司例如941, 494), 俾我寧願貴少少買龍頭, 唔要長期undervalued chip

第一次煲粥給BB

前日係端午節,印尼姐姐放假,以往她會一早先煲粥給小盈才出外,但昨天由愛妻和麟記親自操刀。

午餐由愛妻煲,煲小盈常吃的青豆角粥,小盈吃得津津有味。

好了,到晚餐,由於愛妻和小盈都午睡,所以要由麟記煲。

材料為兩湯匙米,梅頭豬肉及青紅黃燈籠椒各小量切小塊。

用四碗水煲粥,粥滾放入豬肉及椒。

豬肉及椒熟透後拿出來,用攪拌器攪碎,再放入粥內再煲。

待粥收水成糊狀,始大功告成。

粥成紅色,有椒的皮,下次要先把椒去皮才煲…

小盈未吃過椒,起初怕她抗拒,好在她也肯吃完。

小盈較喜歡不太黏稠的粥。

第一次弄BB食物總算成功~

2007年6月19日

2007年6月16日

一文兩貼之5號豬肉檔(原文寫於5月3 日)


百貨公司每年都有一兩次大減價,相信街市都係一樣,只不過唔知係幾時發生和係幾多折,有人話多數係五月同十月大減價,但舊年卻係在六月,前年係十月尾十一月頭,每次折扣都不同,舊年八折,今年三月只有九折仲要只係得一日,但係有d貨卻大減價得耐d,例如有個5號豬肉檔近年難得85折清貨,理應係入貨好時機,偏偏街市好多賣菜佬豬肉佬話遲d仲會平d,又話個貨源有問題,小心有毒,$140/斤時就話只值$130/斤,$130/斤時就話只值$120/斤,$120幾蚊時就話只值$100/斤什至$80/斤,結果聽佢哋up果d小市民就真係等呀等,點知不經不覺間有幾個大客戶大手買了貨,市價立即升番哂,小市民買又唔係唔買又唔係,只好繼續等呀等,賣菜佬豬肉佬就繼續話d貨有毒,食痾人ga...

大口牛牛回應:
市場太多嘈音了,好的豬肉通常都係傳有豬瘟戈陣最平,但你諗下傳得有豬瘟仲有豬肉買喎,如果真係有事都唔會俾你見到大大件豬肉仲係度賣啦,已經俾食環署查收啦,因此我地分別非理性情緒,在人人都認為有問題時(非理性情緒,實際豬肉仲好肥美(即間公司仲有盈利增長))平會入貨。例子就係5號豬肉檔。

P.S. Albert兄,你在我另一個blog關於5號豬肉檔的組合比重,我會bear in mind 的...

2007年6月15日

我不是銀行c9

現時街市氣氛真係熾熱,KW先生在祟拜時都要用喺錢莊睇「豬肉」同「魚毛」市價的c9諷刺和比喻「專心」…

麟記以養魚為興趣,日常也要接觸「豬肉」同「魚毛」,眼見圈中人對養魚似有有眨意,認為養魚非圈中人的適當活動,因此麟記以此私人角落,表達一下心聲:

以我到目前為止的經驗,投資「養魚」事業, 除了可以幫補一下買奶粉錢之外, 還令我慢慢認識到不同類型的「魚」是怎樣成長,怎樣繁殖,亦令我更加關心時局,國家和經濟的變化,此亦為樂趣之一也。

而且,將來魚毛生魚仔,魚仔生魚毛,生生不息,亦可以幫助麟記供完層樓和予小盈多一點使用費。

這些事情,單係聽收音機和睇電視果d豬肉佬同賣菜佬「分析」和問人攞「冧巴」是學不到的,學唔到嘢之餘,十年後又係一場空。

暫時,只會養殖自己有把握的魚類。

街坊Forever, Albert同Cory教曉我怎樣研究「保險」類魚,儘管名師林森池先生點出了2628號魚檔賣好魚,我都會花一點時間睇清楚d條魚的體質才決定是否放入魚缸中飼養,況且今年還有機會有大減價。

另一方面,同KW先生講果種「專心」,麟記還差很遠,講得好聽一點,「有很大改善空間」,此blog目標為記錄一d令麟記有興趣的事情,一刻間的感想,電光火石瞬間的思潮起伏…當然,部落只能代表生活中的一鱗半爪,文章也未必人人啱睇啱聽,但作為一個自嘲和供個人發up風的平台已滿足矣。

反番轉身

小盈昨日懂得反番轉頭了,即係由俯臥翻轉身為仰臥。

昨日係7個月零10日。

2007年6月14日

選校



以下有一篇令麟記很有共鳴的blog…

要小朋友大清早爬起床是為返學,返學是為學習,麟記出身自所謂名校,但其實所謂名校都有很多「呃飯食」的老師,所謂名校就是否一定校風好? 是否一定學習氣氛佳? 是否就沒有同學係社團分子和吸毒? 而校風好和學習氣氛佳是否一定係所謂名校? 功利一點,是否讀名校就一定入U? 讀U的同學是否一定來自名校? 對,名校都有教導學生要有好品格,但以齋up為主。對不起,教會中很多來自所謂名校的少年人,我一點也找不到所謂名校風範;當然,教會中亦有令麟記欣賞的名校生,但我看到他們令人敬佩之處在於其品格,而其提升品格的動力源頭來自天父。

1. 豬師奶說:

其實, 我真的有點迷茫, 眼看其他家長, 不斷努力地催谷自己小孩子的能力時, 去搵名校的時候, 我..... 我..... 好像什麼都沒有做過.

我不是來自名校, 自己所讀的學校, 都執左笠. 我自己在屋村長大, 是一個不折不扣的屋村妹, 考試成績平平.

有時, 在親子討論區, 見到家長家們熱烈地討論著, 什麼培正, 民生, 宣道, 啟思之類, 這一類, 人人一睇都識的學校之際. 自己心裡, 真的有點著急, 我又無取報名表, 又唔識佢地係咩學校, 只知係名校, 我實在膚淺.

我問自己, 是否真的想小豬, 讀這類型學校, 心裡盤算著, 既忐忑, 又著急的時候......

我好似想通了一點, 小豬係一個愛搗蛋, 充滿好奇, 不受外界約束的小孩, 根本主流的名校, 未必適合佢的. 所以, 我最終, 只為他報了屋企附近的學校, 一來近屋企, 不用坐校車. 二來, 學費較平宜, 變相地, 可以有多一點的金錢, 讓他參加課外活動.

希望我的想法, 沒有錯啦

2. 麟記說:

我都要同你學習湊bb的心得, 我的bb七個月大

我預期過多一年搵學校會好煩, 主要係朋輩壓力, 比較子女讀邊間學校等等, 諗起都煩

3. 豬師奶說:

你的BB有七個月大, 真係好好玩架, 好好珍惜呢段時間, 佢地大個左, 就有自己的天地架啦. 搵學校, 真係一件頭痛的事呢, 我心目中, 已選定了好幾間, 屋村的學校, 並非名校, 不過, 架構簡單, 又有學卷, 小朋友的壓力相對較少. 佢地讀得開心, 就OK啦.

2007年6月13日

一文兩貼之釣魚



1. 而家釣魚係等大魚上釣的時候,心急都可以釣到魚,但只會釣到雜嘜魚毛。

2. 現今市況,想釣d早幾年遇到的巨型東星斑差不多沒有可能,但想釣到一d身體健康,將來有機會成為東星斑的名種養魚,卻非沒有可能。當然成本就要高d,亦要有耐心養殖。所謂「好魚無平,平魚無好」。

3. 敬告各位釣魚界同業,近日海中出現很多被打了生長激素的雜魚毛,充當東星斑出售,此等經改造的雜魚毛生長快速,難以想像,什至由番生咸魚製成,有d聲稱一日可以生長100%,但此魚含有毒素,食後會令人上癮,以後唔食唔安樂,對食家身體產生難以預計的影響,而且此種雜魚毛難以飼養,很快便會一命嗚呼,各位好自為之。

將回應再貼之集體回憶1984年6月22日

特別鳴謝:女股神

六點半新聞報道之財經報導,最活躍五隻股份...

http://www.tvboldclips.org/clipinfo/news630-19840622-4.htm

匯豐 $6.2

置地 $3.025

長實 $8.65

中電 $11.7

和黃 $11.5

五間公司中,有兩隻(匯豐和長實)在20年間成了千里馬

2007年6月12日

湊B信箱

麟記問:小女玩無幾耐就扭眼瞓, 很難才可以氹她睡, 睡著又很快扎醒
請教一下, 你同小豬玩什麼遊戲的, 我玩來玩去都係果幾樣, 小女唔悶我都悶...

豬師奶答:我的小豬好喜歡聽歌的, 而且佢現在識行識走, 我就同佢玩hide & seek, 有時就聽歌, 有時同佢講下故事.
其實, 你唔好俾壓力自己呀, 唔一定要好多遊戲架. 你的女女, 好似七個月大, 其實讓睇下布書, 或者係可以咬的玩具, 佢地好鍾意咬玩具, 佢都有排玩, 佢地咁細, 好LIKE REPEAT 架, 不用擔心. 再者, 可以同佢講故事, 係呀, 佢一定唔明, 不過, 佢會好ENJOY 你係佢身邊. 故事書, 可以係圖書館借就得, COLORFUL D, 有D公仔, 簡簡單單就OK 啦.

2007年6月10日

人民幣升值

麟記在2005年尾時於港大無意中參加了一個舊生講座, 認識了林森池先生, 亦被他點醒了一些投資概念, 俗稱開竅。

上星期聽港台e線金融網, 訪問林森池先生, 談及人民幣升值(亦即港元眨值)問題, 林氏認為, 人民幣在未來五年會升值20%, 會為香港帶來輸入性通脹。

在通脹期間, 資產(例如房地產)會升值, 因此, 在未來幾年, 如果住緊楝樓升值, 不要太開心, 升值只是補番銀紙失去了的價值(購買力)。

換言之, 房地產要起碼升值20%才不致跑輸通脹。

林氏指出, 持有人民幣資產, 才可以跑贏通脹。

例如人民幣, 國內地產, 和國內企業的股票。

對於一般人, 人民幣利息低, 而國內地產變現能力差, 股票是最佳的資產, 因為可分享公司的盈利。以合理價格買優質公司的股份是最佳的選擇。

至於買什麼公司, 以下著作很有參考價值:
http://www.cosmosbooks.com.hk/cstart.html

書名/叢書 證券分析實踐-從香港經驗認識國企前景
作者/譯者/編者 林森池
出版社 天地圖書有限公司
國際書號 9882111327
圖書分類 金融投資
出版年月 2005/2
頁數 184
開度 190x260mm
定價 98.00


內容簡介   作者強調,投資股票是嚴肅行為,並不單是買一個股票編號,藉著漲價獲利;而是將資金經營一門生意,透過公司成長,分享利潤。前者的投機心態,如同買「六合彩」,等待幸運之神出現,結果往往是失望離場。後者通過基礎分析,徹底理解公司的運作、效率、財務狀況及、經營環境等,減低投資風險。選擇優質公司的三部曲如下:
 (一)必從宏觀角度考慮,經濟是否處於起飛階段的高增長期;
 (二)公司是否擁有市場經濟專利;
 (三)用基礎分析技巧深入研究公司過往業績、各項回報比例、現金流、未來的前景、管理層的作風及「內在價值」。投資股票時,理想買入價最好是較「內在價值」為低。
  書中並無任何複雜程式,普羅大眾也能明白箇中秘訣。作者利用具代表性的上市公司作為分析實例,讓讀者能掌握基礎分析的步驟及工具,選擇優質公司作長線投資致富。

2007年6月8日

又係出巡



上星期六,愛妻要返工,因此麟記第一次帶小盈出街。

目的地係離屋企大約300公尺的公園。

由於只係諗住出半個鐘,所以只帶了奶咀(「朋友」)和手巾仔一條。

交通工具係士的車。

出發…

一出到街,唔對路,很熱,很焗,似蒸籠…

士的車沒有上蓋,為免哂傷/黑小盈幼白的肌膚,只好行有遮蔭的行人路,但有些路段是無遮蔭的…

到了公園,有樹蔭,但仍然係咁熱…

小盈沒有發脾氣,縮在車子裡,她的表情是皺眉頭和扁著咀,看來不太享受,又可能有d驚。

都係匆匆回家好d。

下次咁熱都係唔好出街,同埋要帶多把傘子。

2007年6月2日

BB講話

嘩! 小盈今日識講o野了

她講:「哎吔吔」,係清楚果種

今日係6個月28日

此外,半個月前開始,我們抱住小盈時她已經可以企,腿幾硬淨

2007年6月1日

BB出巡

帶小盈出街是一件很隆重的事。

以出街一個下午為例,必須帶備以下用品:

奶粉(1 – 2餐份量):要帶n+1餐份量,因為小盈可能一次食很少或唔肯食,但當倒了那些奶之後一會兒又再嗌肚餓…

奶樽(最少3個)

熱水和暖水各一瓶:去探人都要帶水,原來香港很多家庭真係「水都無滴」

紙尿片(最少5張):很多時換完片才「唔唔」

BB濕紙巾(1包):抺「唔唔」

手巾仔(3條)和濕毛巾:抺汗、抺口水、抺手、抺…

口水肩(1個)

紙巾:以備不時之需

換片墊紙:整污糟人哋屋企就唔好意思啦

BB替換衣服一套:小盈初生時愛妻曾試過要用包巾把光豬BB抱回家,因為BB「唔唔」時把衣服弄污了…

長袖衫褲:每逢到愛妻家,愛妻的媽媽和祖母見到BB穿短袖衫都會囉嗦:「點解唔俾BB著衫呀…」「著番件衫啦…」「熱? 出汗正常ga…」但當時係20幾30度又無開冷氣… 當然出入冷氣地方必備

安撫奶咀:小盈的「朋友」,大嗌時的止藥,記得帶埋「星雲鎖鏈」緊扣住,否則小盈仰首一吐,「朋友」就唔知去咗邊…

蓋被(2張):一張蓋面,一張墊底

印尼揹帶:小盈的「摰友」,沒有她睡不著,小盈疲倦但睡不到就會大發脾氣

帽:擋風擋太陽

BB車:之前架combi車已經不算太重,但出街搭車又開又摺都幾煩,而家可以用「士的」車輕考很多…

要帶齊上述所有東西(當然不包括BB車),已經可以裝滿一個大背囊(最少要40 litre)。

如果你某日行街時見到有個傻佬揹住個大背囊,又「的」住架BB車,後面又有一位小女子抱住個肥肥地白白地的BB女追巴士,果個可能就係麟記、愛妻和小盈…