林森池訪問論市況(16.11.2007)

http://www.rthk.org.hk/rthk/pth/ezone/20071116.html

(5:33開始)

林sir唔係隨口up，當秘芨，每一次訪問之前都會做足功課。

數腳一定要低過上一次才算一隻腳。如果下星期一跌穿27000(低過上星期二)就可算第四隻腳。但林sir第三隻腳時已經開始買貨。因為沒有人可預知個市個底在哪裡。為何揀第三隻腳開始買? 因為第三隻腳時殺傷力已經減少了。第三隻腳時可入第一注，但唔好瞓身，因為世事無絕對，唔知還有沒有第四隻腳。但今次機會較細，沒有817斬倉那麼嚴重。

李小龍有李三腳。睇腳一定要用恆指睇，因為個別股票表現唔同。指數係組合，係一個平均數。例如跌7日，第8日反彈，為之一隻腳。第二隻腳係乜? 反彈之後再插過，唔知跌幾多日，再反彈，就係第二隻腳。第三隻腳係上星期一、二連續兩日跌，星期三回升，為之第三隻腳。

上一次事件，8月10日時，跌咗三隻腳。所以可以開始買。但當時環境比今次惡劣。上一次有斬倉，forced selling，無辦法估計第四第五會出現，結果817出現第五隻腳。

做決定前要做功夫，如果係泡沫爆破，唔會係三隻腳調整，係好長時間跌。點解用三隻腳? 唔好理沖擊幾大，但通常第三個波浪的沖擊係反映了大部分的沖擊，這是一個哲學，中國古語孫子兵法有云，敵人第一次衝過來係一鼓作氣，二鼓衰，三鼓竭。敵人連衝三次力量會減弱，有機會見底。曾國藩說過，大敵當前，要退三步。先退後，引敵攻，引敵深入，令我方有時間先準備。

為何估計可升至32000-40000? 因為恆指增加了很多國內的高增長公司(像Nasdaq)。恆指有14隻中資國企，已佔了恆指一半的比重。如果此一半的比重增長快，而傳統藍籌公司增長慢，則仍可以拉高增長。保守來說，07年傳統藍籌公司增長每年15%，中資國企增長快一倍即30%。(15+30)/2=22.5%。即恆指會升22.5%。恆指公司每日會有恆指的歷史P/E(用末期業績計，有d用3月/6月/12月)，是用06年業績計的。與美國不同，道指會根據公司最新業績即時改變道指P/E。現時道指P/E已經係46。星期二恆指27800；06年P/E係21.5。指數earning = 27800/21.5 = 恆指成份股組合每股純利 = 1293點。1293 x 26.5 (DOW(or S&P500與Nasdaq平均P/E) = 34264點。為之合理水平。

藍籌同國企07年尾會出業績，點計? 1293 x 122.5% = 1584 (07年恆指成份股組合每股純利)；PEG 1 = 合理；1584 x 22 = 34848 即合理指數(保守)。樂觀睇法方面，1584 x 26.5 = 41976，所以range可以由34000 – 41000。

點睇調整是否足夠? 要考慮行業。今次調整跌得最多係鋼鐵股。個市好專業，擔心鐵礦石加價，澳元升值，乾貨運費增加，令成本增加。也有原材料例如2600/358也跌得多。美國FED可real time監察經濟，睇到原材料供過於求。油價升因有替代能源反而唔驚。金融/地產股跌得較少。代表專業投資者調整組合。8/9月時炒過龍的股票一定會調整。

美元跌，應否買資源股? 就算買都係要買上游(e.g. BHP)，中資國企沒有，只有中游。還要考慮該資源的世界供求。商品資源股週期可以行得好快，要很專業才可掌握，要小心投資。

********

2628今日收市價：$43.35
941今日收市價：$133.10