雜記三則

1. 返工搭小巴

早上返工搭小巴，總會遇到兩個司機之中的其中一個。我在背後叫一個做「斯文人」；一個做「燥狂症」。「斯文人」揸車時速不會超過80公里、不會疾停、不會抽頭、有次落雨仲專登停在天橋底等我們下車時不用淋雨，真係一流服務。「燥狂症」揸車時速常常超過80公里，懶理個速度警告器狂響。疾停、抽頭、插車龍樣樣齊。令人失望的是，最近幾個星期總係遇到「燥狂症」。我常常諗，可不可以用手機影低「燥狂症」超速的罪証，然後向警察或是運輸署告發?

2. 放工搭巴士

晚上放工搭巴士，搭巴士有好多樣嘢憎，例如肥佬or肥婆夾硬攝在旁邊根本不夠他/她臀圍的坐位頂住我、夾在兩個八婆中間聽她們對話等等，以上幸好並不常見。但較常遇的是一d阿伯(有d似維園阿伯)，鍾意自言自語，「依依鶯鶯」，佢哋精神唔係有問題，係講埋一d沒有意思的語句(今日點點點… 而家點點點… 呢度點點點…)，又哼幾句沒有意思的粵曲等等，坐在佢前面聽佢悶哼真係心都煩。

3. 巡視業務

大笨象錢莊昨日有人打電話給我，邀請我到某分行提供「財富管理」的意見。心諗已經知道他其實想sell金融產品。其他銀行我一定唔騷佢，但作為股東，這是一個視察sales業務的機會。如期赴約，果位sales分析現時手上資產、負債、保障的狀況，意見整體上來說都持平，不會只係勁sell基金，亦會建議為一d保障不足的地方加保。看來大笨象錢莊真的如之前新聞所說，積極加碼保險業務，我問sales生意如何，他表示很多客戶都有購買產品，看來呢隻仍是一隻「忠心搵銀的大笨象」。