買樓「投資」

我又有另一個朋友，他沒有在鄉下「起屋投資」，而是在香港買樓「投資」。

他「投資」的方法如下：他有位親戚是做地產代理，那位親戚有一次遇到一個所謂「荀盤」，就慫恿朋友去入貨。

那個「荀盤」是一個一百多萬的單位，樓齡差不多三十年，單幢式住宅樓，不交吉，有人租緊。

首期三成；那位親戚知道朋友還後生，積蓄不多，於是朋友出資一成，那位親戚出資兩成，以朋友的名下登記作為業主。

我是在成交後才知朋友原來已經「榮升業主」。

既然係投資，我問朋友現時回報如何…

答曰：「收租剛剛夠供款!」

「那麼，買呢個單位有什麼著數?」

答曰：「樓o黎o架o麻! 實升值o架!」

麟記認為…

三十年樓齡單幢樓，升值潛力實在有限，甚至沒有…

沒有回報不可稱之為投資…

如果他日那位租客唔生性拖租的話，朋友就要自己哽供樓筆數，個單位立刻變負資產…

香港人中「樓價必升」的毒實在太深了，買樓自住無可厚非，放副身家落間殘樓諗住發達未免太天真了…

投資好公司長遠可以創造價值，但一幢舊樓，又要管理費又要差餉又要保養維修，價值何在?