寫俾自己睇的

最近識了一個人，佢超過十分之六的投資都係中石油(857)，平均成本大約$4，現時中石油大約8個幾，即賺了100%。

他還組成了一個大聯盟，都是喜愛中石油的fans，每人超碼有2000股中石油。

這位朋友用$4買中石油，好有眼光，他現在還不斷強調中石油仍然有未被市場發現的價值，股價仲有排升，大聯盟的fans很多都是在現價才買中石油，大家一廂情願希望中石油繼續升升升，升到$10,$15,$20...。仲話畢菲特到現在還hold中石油，所以一定係好股，會升升升。

我覺得很有問題，石油屬於商品，係週期性行業，被市場追時可以升得好厲害，被市場睇淡時可以跌到無人信，一個週期可以行好多年。把商品作為核心投資，我不認為是明智的選擇，當然，凡事有例外，如果是以平均成本法投資，石油股可能是個好選擇。

到石油大跌時，畢菲特同這位朋友當然無事，因為成本實在很低(畢菲特的成本好似$1-$2)，有margin of safety，但係而家先追貨的fans，仲把它當作核心投資的，就不知怨誰了。

我現在講的，石油fans會當作廢話，我有個感覺，呢幾年石油的重要性被吹噓得太大了，中國的demand被吹到無限大，國際的supply被吹到無限細，人們太take it for granted，商品講供求，當供求嚴重失衡時，就係爆破之時。最好笑是，有財經演員話而家中石油P/E低，所以抵買，誰不知，P/E低，係因為今年賺得多，越賺得多，即係週期個頂越快到。

最後，我強調我當然不想石油股真係大跌，因為我的強積金都有中石油，這是我不能控制的。

(石油唔可以同coca cola比較)