高息股

傳統市場智慧認為高息股較具防守性，跌市時唔會跌得咁傷，最啱而家個市好似會跌但係又唔多跌的時候買。

今日東方有財經演員提議買上表的高息股，麟記有以下意見：

(11)恆生：最近3年派息比率沒有增加，相信未來都唔會增加，因為差不多90%盈利用作派息，很少保留盈利，增長空間不大，如果係我，我會等有5%息率時才會買，即$103。

(345)維他奶：呢隻仲勁，最近3年派息比率超過110%。公司主要靠香港獲利，發展空間不大。而澳洲及大陸的業務未能預見可觀增長(飲品市場在大陸係典型「紅海」)，美國果邊仲蝕緊錢。其實維他奶係靠高派息比率吸住d股民，否則靠盈利增長係撐唔住個股價。

(995)安徽皖通：唔知點解呢隻都榜上有名，呢隻國企剛完成股改，承諾維持派息比率(但沒有承諾增加)，現時好像好高的派息可能只是一次性的。

(341)大家樂：呢隻因為今年賺得多才有特別股息令到佢d股息好似好高。其實最近3年派息比率大約50-70%，而且我覺得餐飲業都屬於週期性，當競爭劇烈或加租時盈利可能大幅減少，派息都會減少。我不相信大家樂有市場專利，大家樂唔同麥當勞。

(2)中電：中電一向派息慷慨，但其實派息比率只有50-70%。佢有很多保留盈利，相信就算保證利潤減少佢仍可以繼續向外國擴展業務。

我覺得只有兩隻高息股靠得住：就係2號及5號仔。