盈盈今日去見學校，非常失望! 表現好差! 太怕羞了! 喺屋企好多嘢都識講，但一見陌生人就一粒聲都唔出，唔識對答，身為父母，你話我們有沒有教她? 當然有! 但她有她的一套! 迫又迫過，勸又勸過... 她在人地面前的表現，好似我地唔識教女咁...但我見一d唔理仔女的父母，佢地d仔女反而好醒，越來越替盈盈將來擔心，會唔會唔夠人爭?
********
4月13日後記：收到結果，入了waiting list... 細心想想，每個小朋友都有他自己的「時間表」。
Welcome to my blog! A blog about my life, family and investment
11 則留言:
如果咁就失望，將來一定有令你更失望的事發生。小朋友仲有好長好長的路要走，宜家先係學識講嘢冇耐，你咁就失望，黎緊小朋友一定感受到你俾佢既壓力而生活得唔開心。人比人又點呢?人就係有高有短架啦...不如諗下點樣可以同佢一齊渡過短暫而又開心快樂的童年啦!
失望在於由舊年11月至今在克服怕羞方面都無大進步, 係, 好多人都話見多d人去多d街bla bla bla可以有改善, 我們都跟住做. 但小小女孩有她強烈的個性(同朋友的小孩相比). 看來訓練時間仍未足夠, 要再放多d心機.
慢慢黎唔急得，其實佢好睇你點去同人溝通，我就嚮仔面前同D唔識的小朋友傾下玩下，當自己係細路。有時佢有d低落我甚至會帶佢無乜人的地方同佢一齊大聲叫下自己個名，講下幾多歲，住邊度，邊度讀書...效果OK架，不過可以逼，同埋自己要叫先
為什麼不可接受自己女兒是內向的？
這是她自己，你何必硬要模造她成為你眼中的她？
你給全家人太大壓力了！
我都覺得你比個女的壓力太大啦, 睇你個女的相都好少笑容~
冷靜d...冷靜d...冷靜d...OK...OK...
我唔會俾家人同阿女太大壓力的
個女我自己有份生的,唔通我唔知佢的喜好同性格?
總之,順其自然再多加引導吧
而家d小朋友,有壓力又唔得,冇壓力又唔得,總之,慢慢摸索吧...
講開d相...咁啱放在facebook果d無笑啫...其實佢成日笑的,同佢玩吓就知佢好爛玩
一步步來啦,~ 呢樣好講平衡
順其自然吧！
介紹你一本書＜＜如何說孩子才會聽， 如何聽孩子才肯說＞＞我看的是簡體版，不知有無繁體版．
睇完你會發覺自己好似學識某種魔法，孩子會主動向你傾訴他的感想和看法....
小朋友見學校感到不自在,反過來想會不會是這學校不能給小朋友一個友善的感覺呢?
如果你相信你所信的神會帶領便應嘗試和她一同返到父神的家讓她在父家中和眾弟兄姊妹成長吧!
發佈留言