林森池老師曾經犯下的投資錯誤(4.7.2008)

http://www.rthk.org.hk/rthk/pth/ezone/20080704.html

(8:20開始)

問：有很多聽眾volunteer希望替林sir的新著作做editing…
答：多謝，要慢慢執，要幫手會再搵佢地(麟記：點可以無麟記份呀…)

問：關於2628市場佔有率的問題
答：市場佔有率受季節性影響，壽險保費第一季收得最多，與中國傳統有關，年底的花紅一/二月才收到，亦與農曆新年有關，農曆新年是保險經紀的旺季，拜年時可以收哂成條村的保金。所以第一季市佔率比對上一年會彈升。

2628於07年全年拉勻40%都唔到，07年第一季很好，跟住市佔率一路降低，是因為人壽的保單在07年唔夠股市好，d人去哂買基金/股票，今年有轉變 – 第一季2628保費收入有頗佳幅度上升，市佔率上番43%。然而與07年第一季比較(51%)，08年好像差了? 唔係，最重要係睇回升幅度上唔上得番，高唔高過全年平均，而2318於07年全年平均有16-17%，反而08年Q1得番12%，彈唔番上平均線，比較就喺呢一度。彈幾多主要睇產品/員工/市場配合。股市靜，2628彈升番但2318彈唔夠。

下半年樂觀，因為睇到4和5月份2628保費收入正加速。

市佔率是會反覆的，2628未上市前，2003年市佔率曾跌穿40%，04年第一季推出新產品回升得很厲害，去到07年又跌穿40%(好驚會唔會跌番30%…20%?)，睇08年有新策略又可以回升。

前幾年外資很積極打入國內，林sir都曾經擔心過，外資用投連險搶市場，早期係搶到，但到07-08年外資退步了，因為本地的保險公司亦賣基金/萬能險，由03-08年，本地的保險公司產品競爭力已經勝過外資，外資的市佔百分比被壓低，本地的保險公司有economy of scale(保單越多成本越平，回報就可以高d)，外資只能限於大城市，而大城市競爭已經很大，AIA曾經超過1% market share，08年跌至低於1%。

銀行業方面，外資亦很積極，網點擴張得很快，外資競爭力夠唔夠本地? 林sir未能下判斷。要再觀察(例如匯豐銀行)。匯豐銀行一年可以很落本，開多幾十間分行。

問：2628支出的問題…
答：117億管理費不是董事的薪酬，楊超只收199萬一年，所有高級管理人員加埋共2000萬，117億其實是所有員工的薪酬/費用，其他開支只有16億，佣金/手續費27億，管理費已包括2628員工的固定月薪+花紅+stock option，其實很低。

問：長棍的浮溢問題…
答：08年Q1時2628十大持股沒有了平保，究竟是因為平保股價跌得太多跌出了十大還是賣了? 睇唔到，當時林sir就當作是沽了。至於能否知道全部長棍的浮溢，是沒有方法，只可依靠2628的公佈。因為長短棍是撈埋一齊。

問：十大持股溢利變化問題…
答：不知道組合內股票有沒有出售，據知5月份出售了4億股建行，所以組合是有變化的。

問：國內A股須付20%股息稅，是否2628 H股要比A股價值高20%才合理?
答：長遠來說H股理應比A股貴，除了股息問題之外，人民幣不斷升值，現時已相差超過10%。現時A/H股未互通，人民幣升值呢點會看重一點。

問：EV問題…
答：EV受很多因素影響，例如有幾多新單? 舊單賺幾多? 投資組合有沒有減值? 有沒有發新股? 一定要公司內部公佈。外人要用模擬方法計算。保險公司內部每個月有精算師計算EV。

(Part 2: 8:40開始)

問：林sir有沒有投資損手的經驗?
答：(想了一陣)有! 初頭投機時試過，做孖展。1971年股市旺，1969年指數100點，1971年10月上升到400點，林sir果陣時學人做孖展。曹sir與他都做孖展買和記。一路係咁買，果隻和記由$10升到$44! (賺了很多?) 嘿! 一跌落嚟，就要計蝕本數，計遲d都無哂。(跌到幾時賣?) 林sir好彩，睇啱層樓，賣咗一半，跌落20幾蚊都賣(一路升一路追所以平均買價超過20幾蚊)，曹sir走唔切，幾乎清倉，和記清了曹sir兩次倉，第一次是1971年，經紀沒有斬佢，無事，慢慢起番。1973年又去番幾十蚊，曹sir走到賺到錢，叻過林sir，800點時林sir已經畏高，只抽新股。又跌落嚟，1700點跌到300點，曹sir以為跌夠，7/6/5/4/3/2/1都買齊(7蚊又買…6蚊又買…)，結果曹sir 50萬身家買哂10萬股和記，林sir 300點都有買，不過係買和記地產(果陣時林sir已經識睇年報/balance sheet…)，林sir同曹sir拗，林sir話和記負債多，雖然和記地產只是和記子公司，但跌市情況下(73年石油危機全球衰退)和記地產派息高，和記地產沒有負債，業務只是收租(一個北角屈臣氏大廈)，因為阿媽和記企業沒有錢，所以和記地產收到的租九成幾派出來，小股東自然多息收(十多厘)，是跌市中的防守性投資。

和記企業發得太大，好市時收購很多公司，結果是印尼一單事件引致出事，和記在74年(股市73年開始跌)已經捉襟見肘，很多時要製造盈利，和記控制黃埔船塢，要換股/賣股製造純利，股市繼續跌，好難利用財技製造純利。和記因為印尼一間貿易公司出事，涉及金額一億美元letter of credit，和記做很多嘢自己都監管唔到。73年時所有商品起價，包括木材/紙張…，印尼出產很多木材，很多公司去印尼採木，和記果間貿易公司在印尼突然收到很多訂單，很多客要買推土機開山，當時全世界最大兩間生產推土機是Caterpillar同Komatsu。和記同Caterpillar落了一張一億美元的訂單，d機器74年到貨，但印尼d客因為d木材跌價全部停工，貿易公司只收客戶10%的訂金，但貨到要俾十足(俾一億)，而且和記總公司又沒有錢俾果一億，最後關頭匯豐銀行接管了，揸和記地產沒有事，本來諗住長揸但被私有化了(所以後來買美國政府債券要買d不准半途收番的)。

自從果次之後，林sir發覺曹sir有好大改變，「永遠都是熊市」，因為他放棄睇公司了。

做margin，你的命運不在自己手上，是在大耳窿手上，鍾意幾時斬倉就斬倉。做margin，短暫跌市已經會被斬倉，沒有機會守至股市回升。(究竟損手是因為margin還是和記本身有問題?) 林sir覺得和記在69-73年時是明日之星，因為能夠利用股市發股收購地皮。