又發燒

盈盈前日又發燒，早兩個星期已經發了一次(大約100度)，今次有101點幾度，太太請了一日假在家照顧bb，帶bb睇醫生接受檢查時，好像要「劏」了她一樣，又大喊又勁扭又打人，醫生只可以草草地檢查再開藥，下次可能要找個女醫生，因為盈盈很怕男士。到回家服藥水時，又「劏」過，幸好到昨日傍晚，終於退燒。

最近常常帶盈盈出去玩，去公園，去飲茶，可能接觸得多外界病菌所以比之前容易病。但唔帶佢出街，見得人少，又怕羞，又唔識講嘢…真矛盾。與盈盈相差一日和一個星期的哥哥和姐姐都已經識講單字，但盈盈一粒字都未識(打人就叻)，真係要加把勁，等不及12月開學，現正為盈盈找playgroup。

有朋友話返學之後更容易病，唉~

又有人話「小朋友病吓，好正常啫…」，但當果個係你自己的女兒，睇住她發燒發到發炆熷，自己真係又焦急又心痛。