「未學行要先學坐」(25.4.2008)

2008年2月…

「我早前於$50時買了2628，而家跌到得番$30唔夠，好唔好止蝕?」

老公：「嘩! 而家2628跌到三十蚊唔夠，好抵! 買d啦!」
老婆：「嘩! 你買股買到short咗呀? 跌到咁仲買? 買咗咪即蝕?」

今日林sir討論以上問題…

http://www.rthk.org.hk/rthk/pth/ezone/20080425.html

********
為什麼不賣2628 & 941?

兩隻馬有沒有弊腳? 沒有。
現時有很多大戶舞高弄低(狼市)，林sir 2月時曾經說過50天跌穿250天就是底，要買不是賣，大戶利用50天跌穿250天技倆再利用傳媒傳播恐慌，散戶賣，大戶就有平貨買。到50天升穿250天，大戶就可以出貨。賺了4000點(約20500-24000)。所以，狼市中，50天跌穿250天，要買貨，長揸。恆指20500時，用每股盈利1660點去除，P/E只有12.4倍。2003年SARS時，8000點，P/E係12.7倍。代表什麼?

價值投資最重要知道，IQ賺不到錢，EQ才賺到錢。「未學行；先學坐」。這是BB的成長過程(yes, fully understand)。最緊要坐得舒服。跌市時千萬不可數身家，越數越縮。要睇公司的經常性收益。2628和941派息增長比全世界的通脹快，所以坐得舒服。2628於2006年派5仙，2007年派14仙，2008年派42仙。假如有10000股2628，$5成本價，去年收$1400息，可以買56斤豬肉($25/斤)，今年收$4600，可以買多很多豬肉。林sir還以股息再買貨，可以加多20%持股量，即12000股可以收$5520。當豬肉加了一倍價($50/斤)，可以買110斤豬肉。豬肉加了一倍價都不用怕，還可以食多一倍。所以好的千里馬不要希望牠升，要希望多d財演唱跌。可以用股息趁跌市買平貨。林sir有個friend，佢個仔畢業做醫生賺$400000一年，但個friend有1000000股2628，湊4年就有$460000息一年，好過用20幾年湊大個仔仲未必做到醫生。857坐得唔舒服，因為有問題(之前提及過)。股票講現金流最重要。現金流用來抵抗通脹，賣了貨只為賺價，賺(投機)唔到連豬肉都無得食。

呢個節目(e線金融網)，如果只係想賺一千幾百恤個髮/買隻戒指/買對鞋，就唔好聽。聽得呢個節目，就要有目標賺幾千萬什至一億。投資一定要睇客觀因素，公司有沒有問題，例如美國次按會否令2628人壽保單減少? 令941不能上客? 不會! 所以坐得舒服。第二睇派息(現金流)，夠不夠生活，追不追上通脹。有d公司賺大錢不派息，林sir一世都不會買，例如2899，過去4年有息派但今年賺多50%都唔派，不照顧小股東，唔買(復地都是)。還要睇管理層作風，最緊要踏實，不要為擴充而擴充。林sir認為2318都算是過份擴充，唔擴充點可以支持馬明哲拿全國最高的人工? 加上張子欣和梁家駒，三人已經拿了一億有多。唔擴充點可以證明管理層「叻」? 這是美國公司的壞習慣。好似貝爾斯登，管理層人工很高又有stock option，為証明自己什麼次按生意都去做，引致嚴重後果。還有，「富爸爸」股票都不要買，例如和黃旗下百佳跟通脹加價，但和黃的股息8年來都是$1.73，沒有加過，因為李先生有錢蝕得起就由她蝕(3G)。「窮媽媽」股票卻一定要買，941阿媽做緊3 G網絡，941一定加息派俾阿媽。2628阿媽以前揹的定息保單，9-10厘，所以阿仔要生性。窮媽媽變富媽媽後就可以整體上市。2628暫時都不會整體上市。有「皇朝」的公司也不要買，例如合和，80年代已經話要喺灣仔起一間2000間房的酒店，現在只聞樓梯響，這是管理層心態問題，胡先生想將起酒店一件事一代傳一代。

好的千里馬可以抵抗通脹。

林sir多錢，小股民小錢，可否出出入入偷吓雞快d到達林sir身家level?

舉個例，林sir有位friend(唔通係木宰羊先生??)，74年由$7…$6…買到$1買了100000股和記地產，和記財政有問題，但和記地產收租派息俾窮媽媽，有15厘，坐得安樂。然後和記被匯豐銀行接管。匯豐只接收了祈德尊手上的貨，派人入和記管理，沒有收購。但該位朋友睇住自己身家由$500000跌到$100000，驚，放了貨。如果朋友當日沒有賣，30多年後至今日，今日有幾多? 80年10送1，84年紅利都派$4，87年1送4 ，再一拆4股，2000年10送1，當日100000股變了今日600500股，今日平均$70計都有4000多萬。持股票係考EQ，考氣魄。李嘉誠有8億股長實，升$1就賺8億，跌$10就唔見80億，咁咪要跳樓? 賺大錢的人要有EQ，未學行要先學坐。而且不要碰衍生工具，也不要用扛杆。

********

2628今日收市價：$33.80
941今日收市價：$135.38