林sir問與答(7.3.2008)

http://www.rthk.org.hk/rthk/pth/ezone/20080307.html

(11:51開始)

關於財經分析員入行問題

分析員工作十分辛苦，做5-10年已經令人殘哂，林sir做到20年已經厲害。現時入行必需持有CFA資格。報紙很少刊登分析員的招聘廣告，有的都不是大行而係財務策劃/基金管理等所謂buy side analyst，都可考慮。他們要求CFP，較易入。美資大行和以前英資大行不同，較不著重培訓新人，他們希望用高薪請人返來即時有生意做。入行多靠words of mouth即口碑，靠熟人介紹。SCMP間中有廣告。分析員還要懂兩文三語。寫得講得計數又得。商業頭腦，分析能力，又要捱得。一星期工作80小時。買股票又多限制。

CFA方面，現時大學有課程可以和CFA考試接近，例如HKU SPACE。

而且，金融圈內分析員賺錢最少，最多係賣I kill you later同warrant發行商果d。做warrant代言人當然不須CFA，只須年輕貌美。

分析年報問題

睇年報不要由第一頁開始睇，不要睇主席報告。要由財務報表附註開始睇番轉頭。先睇accounting policy，同P&L和balance sheet比對。睇年報要懂3 dimensional。睇到一門生意。唔好只當作一堆數字。要考慮資金來源? 賺到的錢放在哪裡?

壞帳抵銷問題

直接抵銷還是用儲備抵銷? 銀行多數用儲備抵銷。一筆壞帳，開個account叫provision，將抵押品賣出之後，有剩的，可以回撥。若完全抵銷唔到，仲要貼錢，就要在P&L出(扣)數。銀行帳目中，未計利潤之前，要撥開一筆錢作provision(儲備)，即係話呢筆壞帳到搞掂才計數。有機會回撥，但唔夠又要再扣。

宏調對地產/銀行影響問題

先講呆壞帳問題，地產方面，相信已上市的實力應不錯，已上市的像碧桂園可發債集資。但沒有上市的可能會出問題，因為圈了地沒有錢發展又難集資，借錢給它買地的銀行就有問題。

宏調對銀行的影響，少少有，不會太嚴重。現時中國經濟好好。宏調對銀行衝擊不會大。經濟好，貸款需求自然大，貸出的款收唔收得番係同銀行是否踏實/謹慎/小心有關。如果銀行謹慎，宏調期間還可加高利息(需求大)，增加息差。中國情況同歐美相比係兩回事。美國整體需求不大，點樣令需求加大? 2002年時地產高要求任總實行十成按揭，任總不批，堅持七成按揭，二按由發展商承擔，銀行不許做。這代表香港有規矩。但在美國，需求不足，所以不需首期攞個急就可以入住。中國經濟發展快，地產有問題，銀行攞番塊地，塊地遲d都會起番價。呆壞帳不會像美國一般嚴重。要考慮經濟循環，當經濟好的時候，做銀行有壞的地產係沒有事的，即係由67年暴動時做銀行借錢俾地產，或收回主權時樓價由$1000一尺跌到$600，有d地產公司執笠，銀行收回抵押，只要捱得過，銀行就會有錢賺，因為拍賣時價錢高過抵押價。

銀行在宏調中好少唔中箭，但要睇比例。有廠商會走佬但比例不大。自從國有銀行上市之後已經揸緊好多了，因為中央在上市前注資不知多少億。

(8:38開始)

怎樣分析銀行股

P/B原理，係行內人士為一間銀行的估值。比如想買一間銀行，就要計算price to book幾多倍，很少有一倍的，2倍係合理，3倍通常係貴。這是供成熟市場銀行估價的(不是中國等等新興市場)。招仔較特別，六行中分行最少，但他走的路線似投資銀行，不靠多分行，著重做大銀碼的生意，例如信用卡和壞帳少的生意。他的壞帳比例比其他五行少。P/B係高，但要平衡賺錢能力和增長，06年100%增長，07年100%增長，60倍P/E變回30倍P/E。08年仍有增長，有30%增長仍支持到股價。銀行要睇賺錢能力，美國的投資銀行例如ML/MS/GS分行都唔多，但賺錢很多。走投資銀行唔係睇分行多，係睇賺幾多。不過招仔都未算正式投資銀行。

林sir06年時建議買國內銀行股的策略，係漁翁撒網，之後睇業績，將最差的剔出，經過兩年，第一間剔出係中國銀行(東x叫人買果間)，因為次按最多，跟住睇增長率同壞帳率。不過林sir手上沒有銀行股，始終覺得保險股的行業特性business model比銀行優勝一d。

PEG有局限性，因為G要行業相當穩定(例如電信)才可以掌握，388明顯不可以用PEG因為每日成交額不穩定，保險股用EV不用PEG。用PEVG都可以，但d保險公司好醒目，知道市場用EV，就像2318集資1500億，如果成功，每股EV升RMB10，表面好好，但要睇目的。如果集資只係為谷大EV或收購Fortis呢類死火的保險公司就弊噃。等於掉錢落海。股數多咗還會沖淡盈利。

下次會講「平民資本家」第一版的錯漏。敬請留意。

********

2628今日收市價：$28.35
941今日收市價：$110.20