新書本

謝謝JoJo姐姐，盈盈有新書看了。有幾本重覆的，一本送給Eva，一本送了給張牧，一本打算送給Carmen(她送了很多衫給盈盈)。

自己企

噢!盈盈可以唔駛扶住自己企，雖然只能維持幾秒鐘，但實在令人興奮...

10個月2週6日

睇雜誌

盈盈自述：「禮拜六，無節目，玩爹di媽咪都玩到悶，不如睇吓最新的室內設計先...」

又係搭van

根據連日觀察，不同時間會遇到不同司機：

7:30「斯文人」(http://wheel-wheel.blogspot.com/2007/08/blog-post_28.html)；
7:40「燥狂症」；
7:50「颷車狂」- 呢個仲勁，在港島區海邊行80-90km/h，10-15分鐘行畢全程(計埋上車落車) ，而且猛咁用對講機講埋d無謂嘢。

還有「17座小巴」；架車滿座，「颷車狂」叫d人坐在司機位旁的空位(冇座位的)，而d人真係stupid到肯坐，有乜「冬瓜豆腐」，個人飛咗出車，唔知保險賠唔賠。

雜記一篇

小盈食奶扭扭扭情況仍然沒有改善，現在懷疑係奶樽用舊了有陣只有她才聞到的味，明天會去買個NUK玻璃奶樽試試。

看著小盈不斷長大，現時已經有七十幾cm高，不要再叫她「小小小BB」，開始要叫她「盈盈大BB」或者「大BB盈盈」或者「大盈盈BB」或者「盈盈BB大」或者「BB大盈盈」或者…

在唔發脾四的時候，其實盈盈係好可愛的，有時我和太太在BB面前講她的事，她自己玩玩吓都要轉過頭來呢呢lur lur幾句，好似係講緊「唔好講我的壞話」咁。

我其實係悶餅一個，但盈盈卻令我攪盡心思和忙得不亦樂乎!

唔聽話

小盈現在已經識得在地上爬爬和扶住網床邊行。

同朋友的BB比，小盈係極之活躍。

除了印尼姐姐以外，沒有人可以把小盈抱得定，一抱著小盈，她就會千方百計去「扭」，好似跳扭蛇舞咁設法掙脫。

除非一路抱住一路行她才唔扭。抱住佢，行到腳倦，想坐低，她又扭過。

最近把一些舊奶咀丟掉，換新奶咀，但小盈唔知是否懂得分辨，不肯吃奶，一吃奶就跳扭蛇舞，我們搞唔掂，印尼姐姐用盡方法又行路又氹又用手機播音樂才勉強吃一大半。

我心想，是否印印已經把小盈寵壞了(我們日間返工不在家)?

我是否要用嚴d的方法對待小盈，早d設定一些規矩?

現在小盈很好奇，任何風吹草動都會分散她的注意力，可能多數BB都係咁，但我想搵方法訓練她的專注力，好怕BB成為一個心散的人，心散係會令人一事無成。

以上幾樣事情，都涉及改變BB本身的習慣，但要知道，要改變習慣，BB就會唔開心，BB一唔滿意就會發脾氣和大喊，愛妻一聽到BB喊就會發哂矛。

前面挑戰：
1. 建立睡眠長規，唔可以次次都要人抱和搖住瞓；
2. 飲奶扭計習慣要改；
3. 訓練專注力。

希望有辦法吧。

入貨

今日原來吉x島有嬰兒產品展，又乘機幫小盈入貨。

1. 2箱DoReMe紙尿片(而家用到大碼的真貴! 要$1.5x一片(一篤))
2. NUK奶樽咀(舊的用了很久；變色；要替換)
3. Pigeon安撫奶咀(更換理由同上)

買BB嘢係買得開心的，同買其他嘢的心態不同，儘管如此，都買咗700幾蚊，在沒有可能晉升和大幅加薪的大前提下，要努力慳錢了(和繼續用錢搵錢)。

唔使去日本

睇過我的blog都知道我手汗極多(http://wheel-wheel.blogspot.com/2007/03/blog-post_6735.html)，換智能身分証時差d拿唔到指模，咁麟記以後咪唔使去日本?

********

明年遊日本須打指模

日本國會周三通過法案，入境的外國訪客將要打指模和拍照，但輿論擔心這項在二○○七年十一月生效的新法案會侵犯私隱。法案亦授權司法部長將嫌疑恐怖分子驅逐出境。

首相小泉純一郎領導的黨派聯盟佔多數的下議院三月首先通過法案，上議院周三再以一百三十一票對九十四票確認。


根據法案，所有年滿十六歲的外國人進入日本時均須拍照及打指模。包括在日本出生的韓裔等永久居民，而外國貴賓和外交人員則獲豁免

(頭條網)