「十四歲的媽媽」小小隨感

明珠台逢星期一晚9:30。

題材另類的日劇。

故事大致講一個十四歲；家庭完整、環境富裕、管教嚴謹的乖乖女學生第一次逃學，之後同初相識的「男朋友」偷嘗禁果，然後就中招，之後怎樣面對懷孕、產子(?)的經歷。

套劇係咪真係教壞人? 我只睇了昨晚第一集，暫時不覺得有什麼意識不良。有d事情，唔係唔俾談論或不去談論或漠不關心，就不會發生，在事情發生之前模擬演繹一次前因後果，亦是一種有教育意義的方法。

套劇講無論幾年輕，有d事，發生了就不可再番轉頭，只有諗方法面對，其他人係幫唔到你。

做每一件事之前，都係諗清楚自己有沒有能力承擔最嚴重的後果，才去做吧。

女主角的內心戲也做得很好，由陽光少女至驚恐無助的心態和行為轉變，演繹得不錯。

如果小盈現在睇得明，一定要搵埋她一同收看。