破例

本來話咗唔再講投資的, 但以下同弟兄姊妹們有密切關係, 因為一個錯誤的決定可能影響你以後幾十年(似唔似危言聳聽連鎖email?)

請先閱若缺齋一文(http://dodderer.blogspot.com/2007/04/blog-post_24.html)

就saving plan, 早前曾經向幾個financial planner (其實係sales)查詢, 佢哋先為我計算退休後要幾多洗費,然後再計退休前要儲幾多錢, 他們會盡量將個數有咁大煲咁大, 例如要旅行享受等等, 結果sales甲計到一千五百萬, 結果sales乙計到二千萬(!!)

後來巧遇一個舊朋友, 又係做financial planner 的, 他說:「見同你friend, 老實講, 六百萬已經好夠好夠了...」

隨著年日過去, 可能您們會有越來越多朋友做financial planner這個行業, 其實這個行業現時最主要係sell「投資相連保險計劃」, 但係這種保險計劃其實係一份長期的contract, 會把您的儲蓄「責住」或「困住」幾十年, 而且費用一點也不便宜, 計算也不清晰

再講多幾句, 有儲蓄成份的保險計劃, 同樣唔好買, 因為隱藏費用都係好高, 我已經把供了幾年的儲蓄保單cut了, 改買term insurance, 一個月慳了一千蚊, 但insurance cover 反而多了, 想儲蓄, 可以直接買上市保險公司的股票例如宏利, aig, 匯豐銀行等等, 賺返他們的insurance premium

此外, 您可以選擇定期買幾隻龍頭藍籌同國企股, 又平又靈活, 又定期有股息收, d股息一手可能小d, 但係當奉獻都好

教會有很多人做保險sales的，咁樣講可能得罪很多人...

希望還有團契的弟兄姊妹睇這個blog吧...