2008年7月11日

林森池解問聽眾問題(11.7.2008)

林森池解問聽眾問題(11.7.2008)

http://www.rthk.org.hk/rthk/pth/ezone/20080711.html

(7:00開始)

問:在北京工作,租樓住,月租$11000,現有一百萬資金,應該作為買樓的首期還是繼續買股票?

答:租係自己俾定公司俾?

公司俾,夠唔夠俾分期? 假設自己俾一百萬首期,公司俾分期,借二百萬,公司趙他付的租可以夠還息還本,就幾好。好快供完間屋就係自己。間屋千五尺當佢三百萬,拎一百萬出來,公司有房屋津貼交租,買就唔使交租變咗分期付款,公司幫佢供,供完就係佢嘅。咁一百萬就會變咗三百萬。有槓桿。如果公司俾唔夠就要睇自己要貼幾多。假設個租係自己掏荷包的,咁就買股票好過啦。

(當然要睇埋公司可唔可以俾你由原先租樓當作供樓啦…)

問:林sir建議2628同941佔portfolio各一半,如果全部買哂2628可不可以?

答:可以,2628唔會破產。

問:分段買入?

答:贊成,無人可以預先知道個市個底喺邊。(但中途升番點算?) 一舊錢分1/2/3/4比例投入,越跌越買得多,呢個方法保守,缺點係半途升番就買唔哂所有錢,如果平均分4次入,跌到第二個目標價已經買入了一半。可以買多d貨。買唔到就俾d耐性,唔好急,唔好高追,買哂錢點算? 買哂咪買哂lu,心安理得。

就算係牛市,每一年都會有一兩次大跌。總有機會。(例如07年3月、8月)

(唔好同我講溝上唔溝落,大前提係自己揀到間好公司(唔係一定要2628/941),自己揀嘅就要對自己的判斷有信心,投資要求紀律多過知識…)

問:月供越買越貴,點算?

答:只要是用固定銀碼用平均成本法就沒有問題,跌市會買多d,升市會買少d,只要投資時間長,就有效。

問:月供2800/2823指數基金還是5/2628好d?

答:月供要買941/2628派息增加得快的股票,利用現金流再投資。指數基金派息好少因為管理費侵蝕。

2628於05年派股息$0.05;06年派$0.14;07年派$0.42。增長快速。

(recall:2628同941都有窮媽媽,所以今年再增加派息也不出奇…)

問:哪裡找公司資料例如P/E、P/B、NAV、ROA、ROE…?

答;林sir有大利市機(略)…(講真長線投資唔使出部大利市機咁大陣仗吧…) 每個行業用唔同的尺量度,唔好以為一把刀仔可以鋸哂所有類型的大樹。

問:剛畢業大學生月薪$14500,11月才開始聽ezone,11月借了40萬loan,年息7%,每月還$3000利息,但沒有被斬倉的風險,買了941/2628/857/3993/390…唔知幾多手,「唔好彩」遇到股災,現時想沽咁d貨應該沽邊d好? (唉! 駛唔駛咁搏呀後生仔你估你係好好彩借到10m果個咩…)

答:林sir最最最反對借錢買股因為就算唔使斬倉都要還本還息,心理壓力很大,輸咗個心態。跌市就要減持,一減持就蝕,減持都未還得哂個本,個個月納息。就算手持好股都要放。係要借的話情願你供樓好過,只要有現金流還本還息就可以。但借錢買股票,股價波動會影響心態。(但林sir話2628可以升到$100噃,林sir講過71年時借錢買股只要捱過低潮回報就好好…),咁啦,而家每月要還$3000息,咁就節衣縮食,仲有約$10000剩,分40個月還哂個本去啦,唔好低位減持…

問:華能(902)跌得咁低,值不值得買?

答:最近加了電費,但一定要睇上半年業績,一定差。加了電費對佢整體幫助有幾多?林sir仍然擔心902的08年整體業績,煤成本上升,加了電費可以抵銷多少? 很少。正式煤電聯動又未有。有保留,要觀察。

(9:00 resume)

聽眾報料:941在國內名牌很響,有「全球通」的高端品牌,大部分高收入和商務人士都用,有提供增值服務,例如打球幫你訂位,機場有貴賓廳,對他們來說,有「全球通」金咭,比信用金咭還重要。941的員工也很優秀,很高專業水平和領導才能,對公司也很忠心,941對他們來說是終生職業,公司以股票作獎勵。現在電信業重組才是941壟斷的開始,不是終結。

答:高端客戶數量少但提供了收入的大部分。

問:388/5/11高息股可否作長線投資? 美國信用卡信貸危機的看法?

答:次按最壞的階段應已出現,信用卡壞帳可以會上升,但會否好嚴重? 應該唔會。

388係一隻什麼動物? 不可以用PEG估值的。大市每日成交可以由500億至2000億。本身行業唔穩定。波動很大。388作為半官方機構不可能被收購/拆骨。冇得拆骨就好似領匯(823)咁,TCI買咗咁耐坐艇坐咁耐。佢買823果陣時我們20幾蚊都可以買941啦(TCI輸哂d機會成本…)。823不可以拆骨,只可以加租。所以睇823最緊要睇回報 – 派息。388都係,派息比率90%。04年派股息$0.9;05年派$1.13;06年派$2.13;07年派$5.19,幾好噃。假定08年成交無進展,維持派$5.19,呢個派息同5/11比較如何?

派息有什麼用? 在高通脹時期,一定要睇派息。派息增長率代表現金流可否抵銷通脹。

匯豐銀行04年派股息$5.12;05年派$5.68;06年派$6.30;07年派$7.02,每年加10%,都可以抵銷通脹噃。

恆生04/05/06年都係派股息$5.20;07年加咗派$6.30,08年可能派多d,因為恆生過去(2000年前)靠樓宇按揭搵食,而家11轉緊型,賣雞金(全香港銀行佢賣得最多;超過10%),資產管理/private banking擴充緊。07年加股息代表11的賺錢能力(現金流)上升了。

反而唔好預期388在08年會增加派息。所以哪一間公司較好自己可以判斷了。

恆生跌得比港交所少亦是一個暗示。

通脹係會令人瘋狂! 尤其是食老本的退休人士。

現時香港的理財概念是錯的! 現時d所謂理財顧問教你「而家供幾多雞金;到時拿番一舊錢就夠生活」,喂! 到時一千萬值幾多? 到時有通脹一千萬都唔係好襟搣咋喎(唔係好夠用),最最緊要係經常性收益,你睇番阿Sam Fong買咗一百萬股中人壽,一年派息都收47萬,每個月4萬蚊。呢個才是解決退休的方法,即是你擁有一間公司,個個月出糧俾你。仲會年年加人工。

(所以好股,一定要相識於微時,好似長實,07年每股派$2.45,現價$107.5,股息率只有2.28%,而家才買當然低,但如果在80年代買,當時平均大約十零廿蚊,如果持有至現在已經係10多20%的股息回報率)

11 則留言:

恭介兄 說...

想問D細字係咪你個人意見?

幾一針見血

匿名 說...

現時香港的理財概念是錯的! 現時d所謂理財顧問教你「而家供幾多雞金;到時拿番一舊錢就夠生活」,喂! 到時一千萬值幾多? 到時有通脹一千萬都唔係好襟搣咋喎(唔係好夠用)...

So doing monthly investment in fund is stupid??

Wheel 說...

恭介兄, 係, 聽到有d位忍唔住加兩句...

匿名, 供n年之後拿一大筆錢的計劃最stupid, n年之後點做? d千里馬已經跑走咗, 拿果舊錢慢慢搣? 買跑輸通脹的債券?

匿名 說...

麟sir,

Class4c再引用之,謝謝.

Calvin

Unknown 說...

眼見 D 大行係咁調低中移動, 又話 MNP 會影響佢, 心諗, D 大行都白痴...我就等佢再出多幾份白痴報告再跌再買...

匿名 說...

eric, 我都等緊941見$95

匿名 說...

最鍾意林sir最後答個題, 如果做到靠派息都夠生活的話, 咁就好了.

匿名 說...

剛畢業大學生月薪$14500,11月才開始聽ezone,11月借了40萬loan...(但林sir話2628可以升到$100噃…),咁啦,而家每月要還$3000息,咁就節衣縮食,仲有約$10000剩,分40個月還哂個本去啦,唔好低位減持…

好明顯信錯林sir啦,2628可以升到$100?到時個大學生都已經破左產,信佢d 3, 4, 5...腳理論,唔借錢都坐到PK,好彩我4月先聽,睇番佢一年來講d野, 早d聽ezone肯定比佢講到心郁郁,諗起都覺得執番身彩,而家重有一大舊錢睇定先買, 唔會驚d股升到"買唔番"..

Will Huang 說...

Whell,谢谢您的文字版。林老师的观点很重要,我又听不懂粤语,所以只有看您的记录了。多谢您的时间,很有价值。

匿名 說...

麟記,我係standard.

之前林sir 話曹sir講過上市十大惡人,話這十間公間股票永遠都唔好買,你知不知是那十間?

thank you

Wheel 說...

i don't know.