觀察

近日觀察到有以下奇景：

1. 討論區內越來越多盲毛問點樣買股票同「我第一次投資應該買邊個number好」；
2. 見到地盤工人都去銀行股票機前check股價(佢哋通常只會賭馬)；
3. 連OL都去銀行股票機check股價!

這是什麼預兆?

點解…?

湊BB的過程，除了考驗忍耐力之外，亦大大增加自己的求知慾…

點解明明食開5安奶，呢排只食3安? 點解BB咁大汗?穿少件衫手仔腳仔又凍?究竟BB而家熱定凍? 點解兩日都唔大大? 點解咁夜都唔肯覺覺豬? 點解打完針BB d行為好似有d唔同? 點解成日扭計? 點解…?

唔怪得之前睇個一段報導話湊BB可以增加母親的IQ(希望父親同樣apply)?

不過，有一樣唔駛問點解的，就是見到BB的笑面，什麼煩惱都忘記一空…

儲分

百佳最新宣傳計劃 - 「易賞錢」，簡單來說，買五蚊嘢得一分，儲滿五百分可以換張十蚊優惠劵，即是每消費二千五百蚊回贈十蚊。

問題係，五蚊係以整數計，例如買咗包四十九蚊的米，只有九分，餘下四蚊不可計入下次消費，變相蝕俾百佳。

比較之下，吉之島就均真得多，J card每消費一蚊就得一至兩分(超市例外 – 只有星期三可儲分，每消費一蚊得半分)，儲滿五千分換五十蚊優惠劵。
咁又係，李+乘邊會咁大手筆?因此，就顧客goodwill考慮，我對984的興趣永遠多過13。

Sleeping Lion

近日匯控(5)被各大行甚至討論區的散戶彈得一文不值，主要因為預計北美的業務差勁云云。

個人認為匯控的管理一向被認為穩健及保守，相信一時的失誤可以令管理層反省過往公司的運作手法，從而採取改善措施。正如做人一樣，不會永遠一條直路，總會有些起落。以過往讀書時的經歷，考開頭三名的同學，偶有失手但很快就可以重返三甲位置，最重要係個人本身有料。有沒有料這個問題，不用靠估，從過往表現就可以看得出。

匯控有什麼市場專利?我工作的公司是香港第一大僱主，規定用它出糧，因此我就算多麼不滿它減少分行數目或於分行要排長龍，我仍要做它的客戶。

究竟恆指幾時到頂大跌?我不知道。我只知道跌市時低股息或無股息的股跌得最傷(咁即是現今大多數國企?)。我亦只知道而家於匯豐做12個月港圓定期利率為2.85%，比較之下現在匯控(5)股息率大約為4.1%。長遠來說，經營銀行的利潤縱使低，仍然會跟隨整體經濟增長。